نادي المدينة للكوميديا، 9 ديسمبر
نادي المدينة للكوميديا، 9 ديسمبر
الموسم الثالث من عروض نادي المدينة للكوميديا و العرض الإفتتاحي للموسم مع عدد من أعضاء نادي المدينة للكوميديا المبدعين و من المواهب الجديدة و بتواجد النجم شاكر الشريف من الكوميدي كلوب ، اللي راح يقدموا كوميديا جميلة راح تعجبكم .
الليلة حتكون على مسرح مركز الأمير سلطان للأطفال المعاقين في طريق المطار – مخطط الملك فهد ، و راح يبدء العرض الساعة 8:00 مساء ، و يفضل انك تجي قبل العرض بنص ساعة على الأقل عشان تستمتع ببعض المأكولات الخفيفة المقدمة من رعاتنا الخطيرين .
ليلة حلوة جدا لا تفوتك .....
•تعال بدري عشاننا مجهزين الضيافة قبل العرض و راح نقدملك بعض المأكولات الخفيفة و العصيرات و جلسة مع أصحابك في منطقة خارج المسرح .
•مسجد المركز مفتوح لصلاة العشاء و يوجد مكان للوضوء و دورات مياه .
•المنظمين و المنظمات موجودين لمساعدتك و خدمتك في أي وقت ، بس اطلب اللي تبغاه .
•ورينا لقطاتك الحلوة للمنطقة الخارجية و مع أصحابك على هاشتاق النادي بس انتبه لا تصور فيديو داخل المسرح لأنو ممنوع .