عرض المدينة كوميدي كلوب، 8 يناير

أولى العروض الشهرية لنادي المدينة للكوميديا في العام 2016 م ، و كعادة النادي بإقامة عروضه كل شهر و استضافة شخصيات كوميدية رائعة لتقديم عرض كوميدي لا ينسى .

سيستضيف نادي المدينة للكوميديا في هذا العرض النجم معتصم طرابزوني متعدد المواهب مقدم و كوميديان و مذيع في إذاعة ألف ألف و تقدرو تشوفوه كمان على اليوتيوب في البرنامج الكوميدي الإجتماعي أنا و هيَّ و كمان لو شوية شطحات في الانستقرام و في الفلوقات الخاصة اللي بيسويها .

و النجم شاكر الشريف أحد الكوميديان الرائعين من الكوميدي كلوب صاحب ابداعات و مواهب متعددة على المسرح  و احنا صراحة ماحنا عارفين ايش حيسوي بس المهم أنو راح يكسر المسرح من الضحك .

بالإضافة إلى مجموعة من أعضاء النادي و من المواهب الجديدة اللي راح يقدموا كوميديا جميلة مع بعض الاسكتشات التمثيلية المميزة بطريقة فكاهية .

الليلة حتكون على مسرح مركز الأمير سلطان للأطفال المعاقين في طريق المطار – مخطط الملك فهد، و راح يبدء العرض الساعة 8 و نص و يفضل انك تجي قبل العرض بنص ساعة على الأقل .

ليلة حلوة جدا لا تفوتك .....

•تعال بدري عشاننا مجهزين الضيافة قبل العرض بفترة نصف ساعة راح نقدملك بعض المأكولات الخفيفة و العصيرات و جلسة مع أصحابك في منطقة خارج المسرح .

•مسجد المركز مفتوح لصلاة العشاء و يوجد مكان للوضوء و دورات مياه .

•المنظمين و المنظمات موجودين لمساعدتك و خدمتك في أي وقت ، بس اطلب اللي تبغاه .

•ورينا لقطاتك الحلوة للمنطقة الخارجية و مع أصحابك على هاشتاق النادي بس انتبه لا تصور فيديو داخل المسرح لأنو ممنوع .