نادي المدينة للكوميديا، 26 فبراير

عرض نادي المدينة للكوميديا الشهري لشهر فبراير بتواجد النجم مؤيد الثقفي بطل مسلسل تكَّي على اليوتيوب و برنامج ليش لا على قناة ام بي سي متعدد المواهب مقدم و كوميديان رائع ، و النجم خالد بامشموس أحد الكوميديان الرائعين من الكوميدي كلوب صاحب ابداعات و مواهب متعددة على المسرح  من كوميديا ارتجالية و تقديم و بصراحة اللي يخاف على نفسه لا يتكلم معاه أبجا لأنو ممكن يقلب الكوميديا كلها فوق راسك .

بالإضافة إلى مجموعة من أعضاء النادي المبدعين و من المواهب الجديدة اللي راح يقدموا كوميديا جميلة مع بعض الاسكتشات التمثيلية المميزة بطريقة فكاهية .

الليلة حتكون على مسرح مركز الأمير سلطان للأطفال المعاقين في طريق المطار – مخطط الملك فهد، و راح يبدء العرض الساعة 8 و نص و يفضل انك تجي قبل العرض بنص ساعة على الأقل عشان تستمتع ببعض المأكولات الخفيفة المقدمة من رعاتنا فانيليا كب كيك و ستِك هاوس آيسكريم .

ليلة حلوة جدا لا تفوتك .....

•تعال بدري عشاننا مجهزين الضيافة قبل العرض و راح نقدملك بعض المأكولات الخفيفة و العصيرات و جلسة مع أصحابك في منطقة خارج المسرح .

•مسجد المركز مفتوح لصلاة العشاء و يوجد مكان للوضوء و دورات مياه .

•المنظمين و المنظمات موجودين لمساعدتك و خدمتك في أي وقت ، بس اطلب اللي تبغاه .

•ورينا لقطاتك الحلوة للمنطقة الخارجية و مع أصحابك على هاشتاق النادي بس انتبه لا تصور فيديو داخل المسرح لأنو ممنوع .